Виктор Стојановски "zuberot"

Супер корисен додаток за најпознатиот клиент за размена на кратки пораки Pidgin. Засега е достапна верзија само за GNU/Linux наскоро како што е најавено ќе има верзија и за Windows. Корисниците на Ubuntu имаат и .deb пакет кој што ќе ја заврши целата работа, останатите ќе мора да компајлираат.

Откако ќе го симнете пакетот во Terminal внесете:

sudo dpkg -i pidgin-embeddedvideo_1.1-2_i386.deb

Ресетирајте го Pidgin и од Tools->Plugins активирајте го додатокот и работата е завршена.

Сега видеата наместо во вашиот прелистувач ќе ги гледате директно во прозорецот во кој што разговарате. Дополнително во додатокот може да конфигурирате дали видеата да се прикажуваат автоматски или со притискање на стрелката после секоја видео врска.

Додатокот знае да ги препознае следните сервиси за видеа CollegeHumor, Dailymotion, Google Video, Metacafe, MySpace Video, Trilulilu, Vimeo, Yahoo! Video и Youtube.

Поминаа 6 месеци од објавувањето на последната верзија на Ubuntu 9.04 наречна Jaunty Jackalope, негов наследник е Ubuntu 9.10 Karmic Koala. Ubuntu важи за најпријателски расположена GNU/Linux дистрибуција која денес може да се најде на пазарот. Отворената битка која се водеше со Windows 7 уште кога и двата оперативни системи беа во раните развојни фази продолжува но овој пат со многу поголем интензитет и здрави темели за тестирање. Но да не носиме предвремени заклучоци да оставиме на времето и корисниците да одлучат. Главен акцент во оваа верзија е поставен на едноставноста на користење и дизајнот пропратени со стабилно јадро. Значително намаленото време на подигнување и гаснење на системот се првите работи кои што може да се забележат. Сегашното време на подигање на системот се движи околу 25 секунди, за верзијата 10.4 која што треба да излезе на пазарот во април 2010 ова време е планирано да се намали и до 10 секунди. Поддржани се голем број на хардверски уреди, стандардните и дополнителните софтверски пакети за се во своите последни верзии, испеглан интерфејс и уште мал милион други изненадувања спакувани во скромни 700MB. …

Комплетната рецензија која ја направив е објавена на IT.com.mk и истата може да ја прочитате тука.

“lshw” (Hardware Lister) е една од подобрите алатки што сум ги сретнал за добивање детални информации околу хардвер. Освен old school начинот на работа во терминал, за алатката постои и GUI напишано во GTK. Без разлика кој начин ќе го користите резултатот е ист, детален и квалитетен .
Со секоја инсталација на Ubuntu како основен пакет е инсталиран “lshw” што е доволно за да работите во терминал или да генерирате детален html извештај. Доколку сакате да го користите графичкиот интерфејс ќе мора да го инсталирате соодветниот пакет, за да го направите тоа во терминал напишете:

sudo apt-get install lshw-gtk

Користењето на “lshw” е прилично едноставно и лесно без разлика дали ќе користите терминал или графички интерфејс. Ако сакате сите информации да ги добиете во терминал едноставно извршете ја командата:

sudo lshw

со што ќе добиете комплетен извештај за целиот хардвер на системот. Нормално овај извештај е приличног голем и тешко (не и невозможно) се наоѓаат бараните информации, затоа наредбата прифаќа и некои аргументи со цел да го олесни читањето на информациите. Така на пример доколку конкретно не интересираат информациите за процесорот наредбата би била:

sudo lshw -C CPU

за информации околу оптичките уреди и хард дискот:

sudo lshw -C disk

и понатаму за сите останати уреди соодветно.

Интересна опција во овај old school начин на работа со алатката е креирањето на HTML извештај, процесот е брз, едноставен и што е најважно лесно прегледен за и детален:

sudo lshw -html > izvestaj.html

со што ќе се креира izvestaj.html датотека во директориумот каде што ја извршивте наредбата.

Од друга страна користењето е графичкиот интерфејс е многу едноставно и лесно:

sudo lshw-gtk

и сè што треба да направите е да кликате низ хиреархиското дрво на хардверот и ќе дојдете до саканата информација.

Ова е мојот прв текст за it.com.mk, онлајн верзијата на документот може да ја прочитате:

http://it.com.mk/index.php/Statii/Vodichi/Kako-do-Chromium-na-Ubuntu

во продолжение Ви ги објавувам и odt и pdf верзиите од документот кои може да ги користите според условите на лиценцатa.

Gnome-Art-NG (NextGen) е подобрена и сеуште развојна верзија на основниот Gnome-Art пакет кој може да го инсталирате со sudo apt-get install gnome-art. Со ова мало парче софтвер лесно ќе ја средите (дуздисате ) вашата Gnome работна околина. Софтверот ги превзема сите позадини, теми, икони, прозорци за најава и теми за подигнување од http://art.gnome.org/ и истите може да ги инсталирате или зачувате локално само со еден клик.  Интерфејсот е едноставен и разбирлив, со минимални опции за нагодување.

Мој предлог во нагодувањата е да ја промените патеката каде се зачувуваат додатоците што ги симнувате, тоа нека биде некој директориум сместен во директориумот на вашиот корисник на пример /home/user/gnomeartng во спротивно тие ќе се зачувуваат во /user/share/gnomeartng.

За корисниците на Ubuntu има готови .deb пакети:

• gnomeartng-0.7.0-hardy.deb
• gnomeartng-0.7.0-intrepid.deb
• gnomeartng-0.7.0-jaunty.deb

За сите останати:

http://prdownload.berlios.de/gnomeartng/gnomeartng-0.7.0.tar.gz