Виктор Стојановски – zuberot

Меех, уште од првиот ден кога го купив HTC Magic место не ме фаќаше да го рутирам и да си инсталирам модифициран ROM… и дојде денот 6 месеци подоцна. Самата процедура трае околу 10 минути, меѓутоа истражувањето за тоа како да го направам траеше прилично долго. Места на кои што треба да погледнете пред да се одлучите за ваков чекор се http://forum.xda-developers.com/ | http://theunlockr.com/ и нормално Гугл. Доколку имате HTC Magic (32A) и сакате да инсталирате модифицирате модифициран ROM “myhero-2.0.5″ тогаш треба да го направите истото што го направив јас.

Во продолжение е целата процедура (со видео) за тоа како најбезболно да го рутирате вашиот HTC Magic и да си инсталирате модифицирцан ROM во случајот се работи за “myhero-2.0.5″

• Како да провериш каков тип на матична плоча има на твојот HTC Magic (31A или 32B)
• [видео] – Како да го рутираш својот HTC Magic
• [видео] – Како да инсталираш модифициран ROM

Потребните датотеки за целиот процес се наоѓаат во поединечните страници за упатствата, а ROM-от може да го симнете од тука.

Со ова имате комплетно функционален и рутиран Android 1.5 со Sense UI интерфејс (поддршка за тетеринг, Kernel 2.6.29, и уште мал милион корисни модификации). Се одлучив за овај ROM бидејќи според XDA форумот ова е најдобриот ROM со SenseUI интерфејс. Сепак изборот на ROМ останува на вас, а процедурата е иста. Може да инсталирате и Android 2.1 меѓутоа засега е пријавена грешка со видео камерата, дополнително сакав да ги видам благодетите на SenseUI. Се надевам дека грешката ќе биде наскоро поправена и се читаме со ново упатство “Android 2.1 на HTC Magic”. Jaunzaa

Неколку дена се обидував да конфигурирам интернет и MMS на HTC Magic меѓутоа безуспешно, за среќа сè добро се заврши. На прв поглед изгледа прилично едноставно и лесно, сè што треба е да ги знаете точните поставки од операторот и работата е завршена. Така и (не) беше.

Додека користев Symbian оперативен систем на мојот претходен мобилен телефон поставките најчесто ги добивав автоматски од операторите за кои што сакав да користам интернет и MMS, во случајов не е така сè треба да се направи рачно. Дополнително кај Symbian оперативните системи конекцијата за MMS е постојано активна, а конекцијата за интернет ја активирате тогаш кога имате потреба од истата. Ова не е случај и кај Android оперативниот систем, тука двете конекции се активни постојано. За тие што користат месечни интернет пакети ова и не е толку значајно, меѓутоа останатите кои што користат интернет единствено кога им треба или едноставно сакаат да имаат контрола врз конекцијата оваа опција е неопходна.

Првата помисла кога имаме ваков проблем е рачно да го “згрешиме” името на APN-от за интернет и со тоа конекцијата за интернет е невалидна, а MMS опцијата си функционира без проблеми. Со мало пребарување стигнав до едноставна и мала апликација APNdroid која што го прави токму тоа, го менува името на сите дефинирани конекции (вклучувајќи ја и таа за MMS ). Во конфигурацијата постои опција “Keep MMS enabled” што е токму она што ни треба, да имаме постојано активен MMS и интернет конекција тогаш кога ќе ни затреба. Апликацијата прави разлика помеѓу дефинираните APN-и дали тие се користат за интернет или MMS преку полето “APN Type”. Дополнително достапен е и widget кој што може да го поставите на работната околина и со само еден допир врз истиот да активирате/деактивирате интернет, а додека MMS опцијата е постојано активна. (совршено )

За да го конгфигурирате вашиот Android телефон да користи интернет и MMS во мрежата на VipMK, од менито (важи за HTC Magic, претпоставувам е слично и за останатите Android базирани HTC телефони) одберете Settings->Wireless controls->Mobile Networks->Access Point Names, одберете ја опцијата “New APN”, потребно е да се креираат два посебни APN-и едниот за интернет и другиот за MMS.

Конфигурацијата за “internet” е следна:

Name: internet

APN: vipoperator

Proxy: <Not set>

Port: <Not set>

Username: vipoperator

Password: vipoperator

Server: <Not set>

MMSC: <Not set>

MMS Proxy: <Not set>

MMS Port: <Not set>

MCC: 294

MNC: 03

APN Type: default

Конфигурација за “mms”:

Name: mms

APN: vipoperator.mms

Proxy: <Not set>

Port: <Not set>

Username: vipoperator

Password: vipoperator

Server: MMS

MMSC: http://mmsc.vip.mk

MMS Proxy: 78.40.0.1

MMS Port: 8080

MCC: 294

MNC: 03

APN Type: mms

*Нема потреба да го исклучите телефонот, да ја извадите батеријата и СИМ картичката и да почекате 10 минути за интернетот и MMS-от да работат

** Тестирано на HTC Magic, APNdroid може да ја симнете од Android Market на вашиот мобилен телефон и истата е бесплатна.