Претпоставувам повеќете од Вас знаат за слободата која ја нуди Криејтив комонс лиценцата, останатите следете ја

За Facebook постои апликација која во неколку лесни чекори ќе додаде мал дел на вашиот профил кој што кажува под кој тип на Криејтив комонс лиценца е содржината на вашиот профил. Сѐ што треба да направите е да ја инсталирате апликацијата и да ги кажете кои ограничувања ги имаат тие што ја превземаат содржината.

Со активирање на “Select a License” според тоа каков тип на ограничувања сте избрале апликацијата ќе ја генерира лиценцата. Дополнително може да ја додадете и на вашиот профил за да биде јавно достапна за сите.

Од друга страна за Twitter сѐ што треба да направите е да изберете една од лиценците и со едноставен твит користејќи го “Use license” да ги лиценцирате вашите твитови со CC. Исто така може да проверите и кој ја користи CC лиценцата за своите твитови или да поканите некој да го направи тоа. Моментално 3,642 корисници ја користат CC лиценцата за своите твитови.

Во продолжение е целата процедура (со видео) за тоа како најбезболно да го рутирате вашиот HTC Magic и да си инсталирате модифицирцан ROM во случајот се работи за “myhero-2.0.5″

• Како да провериш каков тип на матична плоча има на твојот HTC Magic (31A или 32B)
• [видео] – Како да го рутираш својот HTC Magic
• [видео] – Како да инсталираш модифициран ROM

Потребните датотеки за целиот процес се наоѓаат во поединечните страници за упатствата, а ROM-от може да го симнете од тука.

Со ова имате комплетно функционален и рутиран Android 1.5 со Sense UI интерфејс (поддршка за тетеринг, Kernel 2.6.29, и уште мал милион корисни модификации). Се одлучив за овај ROM бидејќи според XDA форумот ова е најдобриот ROM со SenseUI интерфејс. Сепак изборот на ROМ останува на вас, а процедурата е иста. Може да инсталирате и Android 2.1 меѓутоа засега е пријавена грешка со видео камерата, дополнително сакав да ги видам благодетите на SenseUI. Се надевам дека грешката ќе биде наскоро поправена и се читаме со ново упатство “Android 2.1 на HTC Magic”. Jaunzaa

Целиот процес може да се подели во три фази:

1. инсталација на “Android SDK and AVD Manager”,
2. инсталација и конфигурација на додаток за Eclipse за креирање на Android апликации,
3. пушување на “Zdravo narode!” апликација за Android.

Инсталација на “Android SDK and AVD Manager”

Симнете го пакетот и отпаковајте го во вашиот домашен директориум. Следно од “…/android-sdk-linux_86/tools” стартувајте ја “android” скриптата која што е визуелен водич за инсталирање на Android SDK-то. Тука може да креирате виртуелни Android уреди за сите верзии на SDK кои што ги имате инсталирано. Пред да пробате да инсталирате верзија на SDK најдобро е од Settings да ја обележите опцијата “Force https:// sources to be fetched using http://” за да немате проблеми со превземањето на пакетите од складиштата. Од “Available Packages” селектирајте кои верзии на Android SDK сакате да ги инсталирате.

Следно креирајте виртуелен Android уред за верзијата на SDK која што ја инсталиравте (може да имате повеќе различни верзии на SDK и повеќе разлилни виртуелни Android уреди). Од “Virtual Devices” одберете “New” и пополнете ја формата со соодветната верзија на SDK. Виртуелните Android уреди може да ги тестирате со активирање на “Start” (стартувањето на виртуелните уреди некогаш знае и да потрае).

Тука завршува инсталацијата на SDK-то и дефинирањето на виртуелни Android уреди за тестирање.

Инсталација и конфигурација на додаток за Eclipse за креирање на Android апликации

По претпоставка дека веќе имате инсталирано Eclipse 3.5 (тие што немаат може да го инсталираат пакетот од Synaptic) нареден чекор е инсталирање на додатокот за полесно креирање апликации и комуникација со “Android SDK and AVD Manager” и виртуелните Android уреди.

1. Стартувајте го Eclipse и од Help менито изберете “Install New Software”
2. Од новиот прозорец изберете Add, внесете име и во полето за “Location” внесете

   http://dl-ssl.google.com/android/eclipse/

3. Во полето Work with изберете го нововнесениот запис и инсталирајте ги понудените компоненти

Рестартирајте го Eclipse, останува уште да ја подесите точната локација на SDK-то и Eclipse е спремен за развивање на Android апликации.

1. Од Window менито на Eclipse изберете Preferences
2. Од левото паѓачко дрво изберете Android и во Location внесете ја точната локација на SDK-то (пример: /home/korisnik/android-sdk-linux_86

Со ова имате правилно исталирана развојна околина за Android апликации на Ubuntu.

Пишување на “Zdravo narode!” за Android

Стандардно првото нешто кое го тестирате е “Zdravo narode!” апликација. За да креирате ваков супер едноставен модул за Android нема многу да се намачите, скоро сѐ е автоматски изгенерирано.

1. Од New менито на Eclipse изберете Android project и внесете ги вредностите за проектот како на сликата

Изберете Finish и проектот е креиран. Околу структурата на проектот и кодот во некој нареден пост. За да го извршите проектот изберете Run и во новиот дијалог изберете “Android application” со тоа автомтски се вчитува виртуелниот уред и вашата апликација се прикажува во неа.

За да го тестирате пакетот на вашиот телефон изберете десен клик над проектот и “Android Tools”->”Export Unsigned Application” со што се креира .APK датотека која што може да ја дистрибуирате.

Се гледаме на 17.02.2010 на наредната работилница за мобилни апликации. Доколку развивате апликации за Android и имате желба да споделите знаење со останатите заинтересирани слободно дојдете во КИКА.

Остваруваме, хаклаб КИКА!

Откако ќе го инсталирате потребно е да ја активирате тастатурата.

Изберете: Menu -> Settings -> Locale & text и обележете ја “Macedonian keyboard”

Таму каде што сакате да ја користите, во полето за внесување на текстот притиснете долго и од менито изберете “Select input method” и одберете “Macedonian keyboard”. Во моментов нема опција за користење на “ѐ” и “ѝ” меѓутоа еден од авторите ми вети дека за брзо ќе бидат достапни и тие карактери. За помалце од 24 часа според Android Market апликацијата има околу 50 симнувања.

Како автор на апликацијата е потпишан Haelions DOO, сајтот кој што е наведен www.haelions.com.mk не е достапен во моментов. Единствен контакт со авторот е haelions.doo НА gmail.com

Откако ќе го симнете пакетот во Terminal внесете:

sudo dpkg -i pidgin-embeddedvideo_1.1-2_i386.deb

Ресетирајте го Pidgin и од Tools->Plugins активирајте го додатокот и работата е завршена.

Сега видеата наместо во вашиот прелистувач ќе ги гледате директно во прозорецот во кој што разговарате. Дополнително во додатокот може да конфигурирате дали видеата да се прикажуваат автоматски или со притискање на стрелката после секоја видео врска.

Додатокот знае да ги препознае следните сервиси за видеа CollegeHumor, Dailymotion, Google Video, Metacafe, MySpace Video, Trilulilu, Vimeo, Yahoo! Video и Youtube.

Совети за подолго траење на батеријата од @dimitarc:

Искуството за овој пост е собрано користејки iPhone 2G, iPhone 3GS, Nokia E90 и Sony Ericsson p990i. Тоа се телефоните кој ги имам користено во последниве 4 години. Најголем проблем имав со батеријата на телефонот кој во моментов го користам, iPhone 3GS. Нормално, има подобра батерија од првата генерација, меѓутоа сега активно користам интернет, што не го правев на претходните телефони. Советите се без посебен редослед, секој е важен и заштедува доволно „џус“.

1.Исклучете го 3G интернетот
Да, многу е побрзо кога користите 3G, меѓутоа нема секаде такво покривање. Кога е уклучено, телефонот цело време пребарува за базна станица која ја пордржува третата генерација и со тоа значително се троши батеријата. Не е проблем да го уклучувате само кога го користите интернетот, кратка е постапката за вклучување и исклучување. Апликацијата SBSettings ја скратува стандардната постапка.
2.Исклучете ги Локациските услуги
Не сум сигурен колкав е итервалот на кој iPhone ја обновува локацијата, меѓутоа сигурно е доволно често. Самото обновување на локација не е толкав проблем, колку кога сте во затворен простор и неможе да го добие сигналот од сателитите. Тогаш обновувањето е постојано, а најмногу „џус“ се троши во самото барање на сателитите. Доколку ги уклучувате само кога имате потреба од нив, мислам дека ќе добиете дополнителни 3-4 часа. Најмалку. Апликацијата SBSettings ја скратува стандардната постапка.
3.Намалете го позадинското осветлување
Искрено, јас сум малку ќорав и сакат во очите, па имам проблем со тие работи, па го држам скоро на минимум постојано. За кратките но чести користења, не претставува никаков проблем ако ви е намалено позадинското осветлување, нема ни да приметите после една недела корстење. Кога ќе сакате да го користите подолго време, а чуствувате потреба од посилно светло (играте игра, сурфате на интернет) можете да го зголемите.
Апликацијата SBSettings ја скратува стандардната постапка.
4.Исклучете Fetch/Push
Не морате да го исклучите, меѓутоа може да го намалите интервалот на проверка на поштата. Ако ви е на 5 минути, не само што ќе ве нервира со постојаните нови пораки, ќе ви ја троши батеријата. Можете да активирате Push, многу е поекономично во поглед на ресурси, меѓутоа само за електронската пошта. Сигурен сум дека 90% од игрите безпобребно вршат Fetch за глупости како што се нови табели со најдобри резултати и сл. Апсолутно нема потреба од тоа.
5.Wi-Fi/Bluetooth
Кога се разговара на оваа тема имам два совета. Исклучете го кога не ви е потребно. Повторно автоматски ќе пребарува за мрежа доколку ја нема, а доколку ја има (и му е позната) постојано ќе врши пренос на пакети преку нејзе за да ја одржи конекцијата и ќе ја троши батеријата.
Вториот совет на оваа тема е да ја уклучувате Wi-Fi конекцијата секогаш кога можете и користите интернет. Многу е поекономична за батеријата отколку EDGE и 3G конекциите. Апликацијата SBSettings ја скратува стандардната постапка за вклучување и исклучување на Wi-Fi мрежата. Истиве совети важат и за Bluetooth.

Тоа се најголемите потрошувачи на батерија. Екранот и поврзаноста со надворешниот свет. Можете да слушате музика скоро бесконечно, без никаков проблем додека ви е екранот исклучен. Доколку гледате филм, се користи екранот и батеријата се троши побрзо.

Alt+x од тастатура добивам нова статија. Ова некогаш знае и да потрае

Позитивни ефекти:

• постојана едукација,
• освежување на меморијата,
• old-style енциклопедијата не се ни сеќавам кога последен пат ја отворив, а прелистувачот го отворам минимум 10 пати дневно,
• можност да за подобрување на содржините на Македонската википедија со наоѓање и пријавување на грешки (дури и самоуредување)

Негативни ефекти:

• има?

Останати страници кои може да ги користите за случајни статии:

• Wikipedia на англиски (3,150,411 статии): http://en.wikipedia.org/wiki/Special:Random
• Вики за слободен софтвер (368 статии): http://wiki.lugola.net/Специјални:Random

* Задолжително за деца во развој што се трујат со фејсбук и WOW.

*банерот е превземен од it.com.mk

Додека користев Symbian оперативен систем на мојот претходен мобилен телефон поставките најчесто ги добивав автоматски од операторите за кои што сакав да користам интернет и MMS, во случајов не е така сè треба да се направи рачно. Дополнително кај Symbian оперативните системи конекцијата за MMS е постојано активна, а конекцијата за интернет ја активирате тогаш кога имате потреба од истата. Ова не е случај и кај Android оперативниот систем, тука двете конекции се активни постојано. За тие што користат месечни интернет пакети ова и не е толку значајно, меѓутоа останатите кои што користат интернет единствено кога им треба или едноставно сакаат да имаат контрола врз конекцијата оваа опција е неопходна.

Првата помисла кога имаме ваков проблем е рачно да го “згрешиме” името на APN-от за интернет и со тоа конекцијата за интернет е невалидна, а MMS опцијата си функционира без проблеми. Со мало пребарување стигнав до едноставна и мала апликација APNdroid која што го прави токму тоа, го менува името на сите дефинирани конекции (вклучувајќи ја и таа за MMS ). Во конфигурацијата постои опција “Keep MMS enabled” што е токму она што ни треба, да имаме постојано активен MMS и интернет конекција тогаш кога ќе ни затреба. Апликацијата прави разлика помеѓу дефинираните APN-и дали тие се користат за интернет или MMS преку полето “APN Type”. Дополнително достапен е и widget кој што може да го поставите на работната околина и со само еден допир врз истиот да активирате/деактивирате интернет, а додека MMS опцијата е постојано активна. (совршено )

За да го конгфигурирате вашиот Android телефон да користи интернет и MMS во мрежата на VipMK, од менито (важи за HTC Magic, претпоставувам е слично и за останатите Android базирани HTC телефони) одберете Settings->Wireless controls->Mobile Networks->Access Point Names, одберете ја опцијата “New APN”, потребно е да се креираат два посебни APN-и едниот за интернет и другиот за MMS.

Конфигурацијата за “internet” е следна:

Name: internet

APN: vipoperator

Proxy: <Not set>

Port: <Not set>

Username: vipoperator

Password: vipoperator

Server: <Not set>

MMSC: <Not set>

MMS Proxy: <Not set>

MMS Port: <Not set>

MCC: 294

MNC: 03

APN Type: default

Конфигурација за “mms”:

Name: mms

APN: vipoperator.mms

Proxy: <Not set>

Port: <Not set>

Username: vipoperator

Password: vipoperator

Server: MMS

MMSC: http://mmsc.vip.mk

MMS Proxy: 78.40.0.1

MMS Port: 8080

MCC: 294

MNC: 03

APN Type: mms

*Нема потреба да го исклучите телефонот, да ја извадите батеријата и СИМ картичката и да почекате 10 минути за интернетот и MMS-от да работат

** Тестирано на HTC Magic, APNdroid може да ја симнете од Android Market на вашиот мобилен телефон и истата е бесплатна.

Поминаа 6 месеци од објавувањето на последната верзија на Ubuntu 9.04 наречна Jaunty Jackalope, негов наследник е Ubuntu 9.10 Karmic Koala. Ubuntu важи за најпријателски расположена GNU/Linux дистрибуција која денес може да се најде на пазарот. Отворената битка која се водеше со Windows 7 уште кога и двата оперативни системи беа во раните развојни фази продолжува но овој пат со многу поголем интензитет и здрави темели за тестирање. Но да не носиме предвремени заклучоци да оставиме на времето и корисниците да одлучат. Главен акцент во оваа верзија е поставен на едноставноста на користење и дизајнот пропратени со стабилно јадро. Значително намаленото време на подигнување и гаснење на системот се првите работи кои што може да се забележат. Сегашното време на подигање на системот се движи околу 25 секунди, за верзијата 10.4 која што треба да излезе на пазарот во април 2010 ова време е планирано да се намали и до 10 секунди. Поддржани се голем број на хардверски уреди, стандардните и дополнителните софтверски пакети за се во своите последни верзии, испеглан интерфејс и уште мал милион други изненадувања спакувани во скромни 700MB. …

Комплетната рецензија која ја направив е објавена на IT.com.mk и истата може да ја прочитате тука.

sudo apt-get install lshw-gtk

Користењето на “lshw” е прилично едноставно и лесно без разлика дали ќе користите терминал или графички интерфејс. Ако сакате сите информации да ги добиете во терминал едноставно извршете ја командата:

sudo lshw

со што ќе добиете комплетен извештај за целиот хардвер на системот. Нормално овај извештај е приличног голем и тешко (не и невозможно) се наоѓаат бараните информации, затоа наредбата прифаќа и некои аргументи со цел да го олесни читањето на информациите. Така на пример доколку конкретно не интересираат информациите за процесорот наредбата би била:

sudo lshw -C CPU

за информации околу оптичките уреди и хард дискот:

sudo lshw -C disk

и понатаму за сите останати уреди соодветно.

Интересна опција во овај old school начин на работа со алатката е креирањето на HTML извештај, процесот е брз, едноставен и што е најважно лесно прегледен за и детален:

sudo lshw -html > izvestaj.html

со што ќе се креира izvestaj.html датотека во директориумот каде што ја извршивте наредбата.

Од друга страна користењето е графичкиот интерфејс е многу едноставно и лесно:

sudo lshw-gtk

и сè што треба да направите е да кликате низ хиреархиското дрво на хардверот и ќе дојдете до саканата информација.